1
Un bes, lá na HAN, Psikatria ku Kasinha ta fikaba pegadu. Nton un gaju ki staba nternadu na Psikatria salta paredi di Kasinha, entra y deta riba kes kama di beton ki ta podu mortu un bes. Banda tres hora madrugada, ki kau staba tudu yan, un serbenti leba maka ku un mortu pa Kasinha. Lá undi ké entra pé pasa mortu pa kama di beton, kel gaju di Psikatria ki staba detadu labanta pergunta-l:
- Gosi éh ómi ó mudjer?
Nton serbenti fuliâ mortu, sai kori ta djata... ma djé fronta... ma mortu djá papiâ.
2
Un bes, lá Txada, tinha un ómi malaaandru, más malandu ómi di mundu. Éh ka ta labantaba pa fazi nada, nem pa kumé. Nton, família kansa kual. Po-l na maka pa ba ntera-l. Às tantas, ess kontra ku un migranti ki ben di Merka, ki pergunta kuzé ki sta pasa kés sa ta bai ntera ómi. Ess fla-l pamodi ómi ka gosta trabadja. Nton migranti ki ben di Merka fla pés spera mé ta da-l dinheru nton. Dipós, kel ómi ki sa ta lebada, stika rostu fla:
- Dinheru? Inda pa-m ba kunpra kumida, pa-m ba kuzinha y inda pa-m ben kumé? Naah, nton sigui nteru!!!
3
Kel bes, na tenpu fomi 47, lá na Sistencia (actual Telecom), guentis só na spera kel gran di midju ta kai ta mori mortu. Nton, tinha un dotor ki ta konfirmaba morti y kabokeru ta ntera. Nun okasion, dotor ka tinha tenpu di djobeba txeu, éh dá un gaju pa mortu. Na hora ntera, gaju mexi korpu fla baixinhu:
- Mi inda N ka mori.
Kabokeru vira pa el fla-l:
- Nhu kala boka! Si dotor fla ma dja nhu mori, dja sta dja. Djo mori inda bu ta papia. Bu sta na troça óké?!
(specialmenti pa Kaká)
Un bes, lá na HAN, Psikatria ku Kasinha ta fikaba pegadu. Nton un gaju ki staba nternadu na Psikatria salta paredi di Kasinha, entra y deta riba kes kama di beton ki ta podu mortu un bes. Banda tres hora madrugada, ki kau staba tudu yan, un serbenti leba maka ku un mortu pa Kasinha. Lá undi ké entra pé pasa mortu pa kama di beton, kel gaju di Psikatria ki staba detadu labanta pergunta-l:
- Gosi éh ómi ó mudjer?
Nton serbenti fuliâ mortu, sai kori ta djata... ma djé fronta... ma mortu djá papiâ.
2
Un bes, lá Txada, tinha un ómi malaaandru, más malandu ómi di mundu. Éh ka ta labantaba pa fazi nada, nem pa kumé. Nton, família kansa kual. Po-l na maka pa ba ntera-l. Às tantas, ess kontra ku un migranti ki ben di Merka, ki pergunta kuzé ki sta pasa kés sa ta bai ntera ómi. Ess fla-l pamodi ómi ka gosta trabadja. Nton migranti ki ben di Merka fla pés spera mé ta da-l dinheru nton. Dipós, kel ómi ki sa ta lebada, stika rostu fla:
- Dinheru? Inda pa-m ba kunpra kumida, pa-m ba kuzinha y inda pa-m ben kumé? Naah, nton sigui nteru!!!
3
Kel bes, na tenpu fomi 47, lá na Sistencia (actual Telecom), guentis só na spera kel gran di midju ta kai ta mori mortu. Nton, tinha un dotor ki ta konfirmaba morti y kabokeru ta ntera. Nun okasion, dotor ka tinha tenpu di djobeba txeu, éh dá un gaju pa mortu. Na hora ntera, gaju mexi korpu fla baixinhu:
- Mi inda N ka mori.
Kabokeru vira pa el fla-l:
- Nhu kala boka! Si dotor fla ma dja nhu mori, dja sta dja. Djo mori inda bu ta papia. Bu sta na troça óké?!
(specialmenti pa Kaká)
