12/11/12

Floris di Ibyago

ALENO!

                            Pa Mimória di O. Pantera

Manenti…
Aláno!
Porfiado ta bira-l strela
Fincado ta bira-l tela
Gota-gota ta bira-l legrête
Sima teimosia bedjera

Manenti…
Aláno!
Sol-a-sol ta po-l sende
Tenpu ardedu pa ganha tenpu
Dia agendadu ta po-l rende
Sima teimosia bedjera

Manenti…
Aláno!
Brio di panu terra na tornu
Ta mata tontura di speransa
Ta santâgia Santiago
Si kâ fila!
Kulpadu ka santu…
Ka mi!…
ka bó! ...
É silensiu koba nos boka.

Kaka Barboza
2007-03-02