S di ANTI AGU
Di sonhu fantazia redondu é viola
Ki ta abri korpu di palmanhan
Ora ki luminar komesa ta inkandia
Ta abrasa melod’ilha na fá-lá dó-si
Voz di pedra na kantiga rol di mar.
Di sol ta manxe forti sima muralha
Alegri na si rigor y na luz dês fuzu
Forti na forsa fortaleza di funaná
Tenpradu sima prumu ta subi céu
Sima Omi sakedu existidu na si pó.
Di zibiu di ventu alma nos xintidu
Di kanteru di son flor di tudo razon
Prindadu na alma-txon di kriason
Di riqueza di mimória y nos stória
Di kantu verdi forsa di nha poezia
Agu é dondágu ta ziguina na lagoa.
Kaka Barboza
12.Fev.07
Floris di Ibyago - Poemas ineditos
